BACOLOD CITY – Gin-aprubahan sang Sangguniang Panglungsod ang kapin sa 112 ka mga part-time faculty members sang Bacolod City College.
Paathag ni Committee on Appropriation Chairman – Councilor Cesar Distrito nga bangud nga limitado ang budget, kinahanglan nga mag-hire sang mga part-time teachers ang BCC agud nga ma-accommodate ang tuman ka damo nga mga estudyante.
Paathag ni Distrito nga indi naman ma-apektuhan ang level of teaching sa pag-hire sang mga part-time faculty members bangud nga kalabanan sang mga maestra ang may Masters kag mga Doctorate Degree.
Samtang, nag-submit naman sang school profile ang BCC sa Department of Budget and Management particular kon pila ang tuition fee nga ginabayaran bangud nga gina-lantaw sang DBM nga basi palang madala sa free-tuition ang mga LGUs runned colleges./dyHB BACOLOD
