Jamindan, Capiz- Madinalag-on nga nakumpleto sang 114 tanan ka mga police personnel halin sa Police Regional Office 7 (PRO-7) ang PNP Internal Security Operations (PISO) Training sa 3rd Division Training School (3DTS) sa Camp Peralta sa banwa sang Jamindan.
Sa ginpatigayon nga closing ceremony sang nakaligad nga Agosto 28, 2019, nagtambong si MGen Dinoh Dolina, Commander, 3ID kag subong man si PRO-7 Director BGen Debold Sinas.
Nahibaluan nga nag-umpisa ang amo nga training sang nakaligad nga Hulyo 16, 2019 nga kabahin sang collaborative efforts sang Philippine Army kag PNP sa pag-implementar sang internal security operations paagi sa mas ginpasangkad nga cross-trained training sa sulod sang 45 ka adlaw.
Diri ginahanas ang mga PNP personnel angut sa nagakadapat kag tama nga pag-ugali, mga skills kag kapabilidad sa public safety para sa seguridad sang publiko kontra kriminalidad, terorismo kag pamahug sa insurhensya.
photo(c)- Philippine Army Spearhead Troopers
