Davao City – Angol ang 12 ka mga pasahero usa ka multicab human kini natumba dha sa may dalang Times Beach Ecoland ning syudad alas onse kagabii.
Base sa report, puno og pasahaero nga mibyahe ang multicab nga dunay ruta padulong Ecoland nga gimaneho ni Castor Sarco, residente sa may Times Beach Barangay 76-A ning syudad.
Sa pakighinabi sa driver, miingon kini nga atol sa iyang byahe nakadaungog matud siya og paka gikan sa ubos sa iyang sakyanan ug mituo kini nga nakaligis lang kini ug bato ug mipadayon sa byahe apan wala pa kaabot sa usa ka kilometro nga byahe misaray na patuo ang maong multicab hinungdan sa pagkaangol sa mga pasahero niini.
Mga biktima mao sila si Salvador Langusad nga maoy labing nagrabehan, 40 anyos, samtang nakahiagom usab og mga minor injuries mao sila si Rosalie Langusad, 38 anyos, Roger Silagan, 38 anyos, Shovey Jane Angos, 25 anyos, Lovie Archie Pacudan, 22 anyos, Sarah Jane Mangasar, 24 anyos, Rhona Ibañez, 18 anyos, Shyralph Anthony Abedaño, 31 anyos, Angelito Lucaban, 24 anyos, Alvin Alioso, 21 anyos, Cherrymae Maganding, 24 anyos nga puros taga Davao City ug usa ka Maruel Gadiz nga taga Kaputian Island Garden City of Samal.
Mga pasahero gidala sa Southern Philippines Medical Center diin ginasubay pa ang kahimtang ni Salvador Langusad samtang ang uban nga naka angkon ug gagmay’ng samad ug garas nakauli na ug nakagawas na sa balay tambalanan.
RadyoMaN Paul Canono
