12 anyos, nakalusot sa security ng airport na walang passport at ticket

213

Naantala ng limang oras ang flight mula British Airways papuntang Los Angeles dahil nakalusot sa security ng airport ang 12 anyos na lalaki na walang passport at ticket.

Ayon sa British Airways, nahuli na lamang ng isang cabin crew ang lalaki na papasok na ito ng eroplano nang wala itong boarding pass.


Walang guardian ang bata at wala rin itong dalang mga gamit. Inimbestigahan ng mga pulis ang insidente kung paano nakapasok ang bata na walang kahit anong dokumento na walang nakahalata.

Ayon sa isang pasahero na si Rachel Richardson, pinababa silang lahat upang isagawa ang security precaution at nagkaroon ng diskusyon ang piloto ng eroplano at ang mga pulis.

Sumailalim muli ang lahat ng pasahero sa security checks. Humingi naman ng paumanhin ang airline sa nangyaring disrupsyon o abala sa lahat ng pasahero ng flight.

Facebook Comments

From Advertisers