Isa ka 12 anyos nga bata nga babaye ang gin-gang rape sang iya mga kauturan kag tiyo antis ginkuga kag gin-utdan sang ulo.
Una nga ginreport nga nadula ang wala ginhingadlan nga biktima matapos wala ini makapuli halin sa eskuwelahan sa Sagar, Madhya Pradesh, India.
Nasapwan ang lawas sang biktima nga wala sang ulo sang Marso 14 kag suno sa mga pulis nga gin-rape ini sang iya mga utod kag tiyo antis ginkuga kag gin-utdan sang ulo sang iya tiya.
Suno sa report nga antis nasapwan ang lawas sang biktima, nagreklamo sa police ang pamilya sini nga nadula ini sang wala makapauli halin sa eskuwelahan.
Subong man, nagsuspetsa ang mga police sa tiyo sang gin-akusahan sini ang iban nga tawo nga iya kaaway sa duta nga amo ang nagpatay sa bata.
Naguwa sa post mortem examination nga gin-rape ang bata sang iya mga utod kag tiyo kag sang magpamahog nga manugid sa pulis, gin-kuga ini sang iya tiya kag gin-utdan sang ulo antis ginhaboy ang lawas sa talamnan.
