12 anyos nga batang babayeng gimolestya sa iyang ama-ama gipa-ilawom sa psychological intervention

Davao City – Gipa-ilawom og psychological intervention ang 12 anyos nga batang babaye nga si alias Jane human gimolestya og giingong gilugos sa iyang stepfather nga si alias Dennis nga taga Bucana, Brgy.76-A, Davao City niadtong adlaw’ng Sabado, June 3,2023.

Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, gibutyag niini nga gipa medikal na ang bata sa Southern Philippine Medical Center (SPMC).

Segun ni Hugos, kinahanglan ipaagi sa sikolohikal nga interbensyon ang biktima aron matabangan ug magiyahan ang bata human nakasinati kini og trauma tungod sa nahitabo kaniya.

Dugang sa opisyal nga subay sa imbestigasyon, nag edad pa lang og 11 anyos ang biktima dihang ginamolestya kini sa iyang ama-ama.

Kahinumduman mireklamo ang inahan sa San Pedro Police Station kauban ang biktima aron sa pagpatala. Hinungdan daling mihimo og follow-up and pursuit operation ang kapulisan sa nasampit nga lugar apan imbesmotahan sa kaugalingon ang suspek misukol kini sa otoridad hinungdan mibawos ang pulis sa pagpusil resulta sa kamatayon sa suspek.

RadyoMaN Don Pulayao