Davao City – Makasinati og dose ka oras nga walay supply sa tubig ang
pipila ka bahin sa Ulas ug Puan ning syudad karong Marso 23, adlawng
Biyernes alas 8 sa gabii kutob Marso 24, adlawng Sabado alas 8 sa buntag.
Sa gipagulang anunsyo sa Davao City Water District, maapektuhan niini ang
mga konsumante diha sa Davao-Cotabato Road gikan Caltex Gasoline Station
padulong corner Puan), Hannie’s Inn, ULHA Village, Benedictine Sisters,
Coca-Cola Bottlers Inc., UUHSA Village, portion of Davao-Bukidnon Road
gikan corner Ulas padlong Ulas Cemetery ug Block 1 sa Puan.
Sumala sa DCWD, tungod kini sa i-tap nga 450mm diameter Pipe Crossing sa
Ulas Bridge.
Matud pa nga mamahimong mabalik gilayon ang supply sa tubig og walay
mutumaw nga mga problema atol sa pagahimuong trabaho.
Alang sa mga pangutana, mamahimong mutawag lang sa DCWD’s 24-hour hotline
297-3293 ug i- press ang “0” or mutawag o text sa 0927-798-8966,
0908-441-0653, ug 0925-511-3293.
RadyoMaN Renz Barbarona
