Subling nakapuntos ang mga elemento sa Philippine Drug Enforcement Agency kon PDEA sa ilang kampanya batok sa illegal nga drug.
Kini human na-dismantle sa mga elemento sa PDEA ang usa ka drug den sa Iligan City atol sa ilang duha ka drug buy bust operation mga alas 5:10 sa buntag ug alas 5:12 sa buntag niadtong Dominggo.
Kini nga buy bust, gilunsad sa PDEA sa usa ka drug den sa Majestic Inn, Benito Labao Street sa Poblacion, Iligan City nga nag-resulta sa pagkasikop sa 12 ka mga drug suspects ug pagka-recover sa suspected shabu nga mokabat sa kapin sa 120-mil pesos.
Si PDEA Regional Wilkins Villanueva, mipa-ila sa mga suspect nga sila Dante Benitez nga maoy main target, Rey Royeras, Lyka Las Piñas, Lyka Alcido, Ranier Tayone, Juvy Love Hinoo, Manilyn Leonicito., Ardel Ian Oanes, Johnny Ladion, Jeffrey Baluya, Mark Ramil ug Irish Onge.
Nakuha gikan sa mga suspect ang suspected shabu nga mokabat sa 20 grams.
Ang maong mga suspect, gi-detain sa PDEA Regional office ning syudad sa Cagayan de Oro ug mag-atubang sa kasong violation sa Republic Act 9165 o Comprehensive Dangerous Drugs Act of 2002.
