12 ka pamilya ugdaw ang panimalay, usa angol sa sunog sa Davao Oriental

Davao City- Gipahilona na karon sa Kaislaman covered court ang mga indibidwal nga apektado sa sunog sa Magsaysay-4, Kaislaman, Barangay Central, Mati City, Davao Oriental gahapon sa udto, December 14, 2023.

Sa pakighinabi sa DXDC RMN Davao sa Mati City Disaster Risk Reduction and Management Office (CDRRMO), nasayrang nagsugod ang sunog bandang alas 11:34 sa buntag, na-under control alas 12:30 ug nadeklarang fire out alas 2 sa hapon.

Sa inisyal nga imbestigasyon, nagsugod ang sunog sa usa ka panimalay ug tungod anaa kini sa kilid sa coastal road ug kusog ang hangin, nikatag kini sa laing kabalayan.

Giangkon sa CDRRMO nga naglisod sila og palong sa kalayo dihang nakulangan sila sa fire truck hinungdan nga daling niresponde ang kasikbit nga munisipalidad sa San Isidro.

Niabot sa 12 ka mga pamilya, 71 ka mga indibidwal ang kasamtangan karong gitunolan og tabang sa Local Government of Mati.

Aduna usab natala nga 4 ka totally damaged na mga panimalay ug 1 ka partially damaged.

Gawas sa usa ka naangol, walay natalang casualty sa insidente.

Sa pagkakaron, gipanubayan pa sa otoridad ang hinungdan sa kalit nga pag ulbo sa sunog ug kinatibok-an niining damyos.

RadyoMaN Ivy Parido