BACOLOD CITY – Kapin dose ka sachet sang suspected shabu ang natigayon nga makuha sa possession sang duha ka mga suspek sa ginpatigayon nga drug buy bust operation kagab-i sa Brgy. 4, Bacolod City.
Nakilala ang mga suspek nga sanday Heric Tupan, 32 anyos ang edad, single kag ang iya ka-kunsabo nga si Joemar Anacan, 40 anyos, single man lunsay pumuluyo sang Purok Camote Kahoy, Brgy. 4, ciudad sang Bacolod.
Ang buybust ginpatigayon sang Drug Enforcement Unit sang Police Station 2 sa pagpanguna sang hepe sini nga si Police S/Insp. Leo Estopa sa Purok Ube, Brgy. 4.
Nakuha sa possession sang suspek ang 12 ka elongated sachet sang suspected shabu, isa ka cellphone, buybust money, kag ₱300 pesos nga proceeds sang pagbaligya sang illegal drugs.
Sa karon ang mga suspek detained na sa custodial facility sang Police Station 2./dyHB BACOLOD
