Dipolog City – Dose ka single motor ug usa ka sikad-sikad bicycle ang nangadamage human gidaro sa usa ka multicab van dihang nagmalfunction ang makina niini, bandang alas 5:35 sa niaging hapon sa may Quezon Ave. corner Bonifacio St. Brgy. Barra, dakbayan sa Dipolog, particular sa parking area sa M&S department store.
Si SPO4 Reynaldo Se-it, PNP traffic inquest, niila sa drayber sa automatic multicab van kolor green nga si Victoriano Vallejo Jr. 46 anyos, mulupyo sa Brgy. Central ning dakbayan.
Matud kang SPO4 Se-it, ang maong multicab van nagbiyahe sa dalang Quezon paigon unta sa may public marker nga sumala pa sa drayber kalit nagmalfunction ang makina niini ug wa na makontrol ang gimanehong sakyanan, didto na gidaro ang mga nagparking nga single motor ug naapil ang nagpadulong nga sikad-sikad bicycle.
Ang sikad-sikad drayber nga si Sunny Boy Vergara, 45 anyos, nga taga Brgy. Biasong, nakahiagom ug bun-og sa may walang batiis kinsa gidala sa Corazon C. Aquino Hospital aron katambalan.
Damage ang tulo ka Yamaha mio, na dunay nitagas nga asite, tipak sab ang plastic cover sa unom ka Honda xrm ingon man tulo ka Honda wave.
Hinuon ang tag-iya sa maong multicab van adam nga moabaga sa galastohan, pagpaayo sa nangadamage nga motorsiklo.
