Davao City – Nagpatigbabaw ang pagkagahi sa ulo sa pipila ka mga Dabawenyo tungod aduna gihapon mosupak sa Anti Smoking law dinhi sa siyudad sa Davao.
Subay sa report gikan sa San Pedro PNP kagahapon adlawa nakasikop ang mga police ug 12 ka mga tao nga nagpataka lamang og panigarilyo sa mga lugar nga ginabawal sama sa Bankerohan ug uban pang lugar.
Gawas niini, aduna usab lain pang napulo ang nadakpan sa kapolisan gani moabot sa kapin baynte ang mga katawhan ang gi aresto sa kapulisan gumikan sa pagsupak sa maong balaod karong semana.
Sumala pa ni Police Chief Inspector Ramil Macarampat nga padayon ang pagpatrolya sa kadalanan ilabi na sa mga musupak sa city ordinance nga hingpit gidili ang pagpanigarilyo sa mga prohibited areas.
RadyoMaN Don Pulayao
