12 Polgadas nga kutsilyo linubong sang magulang sa ilok sang iya manghod, kritikal sa ospital

4770

Wala ko mag hinulsol. Gin dasok ko pa gani (kutsilyo) kag ginhambalan nga ” Imo nalang na, dira nalang na”.
Wala bahid sang paghinulsol ang suspek nga nag buno sa iya manghod kahapon sang aga sa Barangay M.H del Pilar, Jaro.
Ang suspek ang gin kilala sa kay Elesio Villegas, 49 anyos, kasado kag isa ka panday nga preso karun sa Jaro PNP.

Ang biktima ang ginkilala sa kay Kelmer Villegas, 46 anyos, isa man ka panday kag manghod ka suspek.
Base sa panaysayon sang suspek sa RMN News team nga nagpadulong sa ila puluy-an ang iya manghod nga may dala baratiha kag gina pangita sya dala hambal nga ” diin na to ang maisog nga naga bato sa iloy”.


Bangud may dala baratiha ang biktima, nag pangaman ang suspek gamit ang kutsilyo.
Dugang sini nga gin han usan sya sang iya manghod apang wala sya maigo kabangdanan iya gin gabot ang 12 polgadas nga kalabaon sang kutsilyo kag gin buno sa wala nga kilid sa idalom sang ilok sang iya manghod kag iya pa ini gin dasok kag ginhambalan nga ” Imo nalang na kutsilyo dira nalang”.
Critical karun ang biktima sa ospital samtang preso sa Jaro PNP ang suspect.
Nahibaluan halin sa Muntinlupa ang suspek sa kaso man nga pagpamuno kag nakagwa lang sang 2000.

Facebook Comments

From Advertisers