Davao City- Aron ilhon ang nahimong sakripisyo sa kapulisan diha sa pagsiguro sa kaluwasan ug seguridad sa katawhang Pilipino, gisaulog sa Davao Norte Police Provincial Office ang ika-122nd Police Service Anniversary gahapon, October 16, 2023 sa DNPPO Ground, Visayan Village, Tagum City.
Uban sa kinatibuk-ang DNPPO nga gipangulohan ni Provincial Director, PCOL Alexander Serrano Jr., gipasalamatan ug gipasidunggan ang mga personnel, stakeholders, allied services and forces ug tanang indibidwal nga nakatampo sa kalampusan sa buhatan diha sa pagpangalagad sa katilingban.
Dugang pa nga ang maong selebrasyon usa ka higayon sa kapulisan nga makapamalandong kung paunsa pa mapalambo ang pagpanerbisyo ug aron usab mahinumdoman ang gipanumpaan nga proteksyonan ang katawhan ug mahatag ang kahapsay ug kalinaw sa komunidad nga gialagaran.
Ang tema karong tuiga, “Nagkakaisang Pulisya at Pamayanan Tungo sa Mapayapa at Maunlad na Bansa.”
RadyoMaN Ivy Parido
Facebook Comments
