127 ka mga Locally Stranded Individuals gikan sa dakbayan sa Cebu midangat sa syudad sa Pagadian

31

Pagadian City – Mitugpa kagahapon sa hapon sa Pagadian City Airport ang laing batch sa mga Locally Stranded Individuals (LSIs) nga gikan sa dakbayan sa Sugbo.
Mokabat sa 127 ka mga Locally Stranded Individuals ang gikan sa Cebu sakay sa Air Asia sweeper flight Z2 8531.
Angay sayran nga kini ang unang higayon nga kini nga airline company midangat dinhi sa syudad sa Pagadian.
Isip protocol, mipailalom gihapon sa mandatory infrared thermal scanning, rapid testing, registration, disinfection, documents checking (pagsusi sa travel authority and medical certificate), og orientation sa mga LSI ayha gidala sa ilang tagsa-tagsa ka mga lugar.
Gisigurado sa City Government of Pagadian nga mapatuman ang mga preventive and precautionary measures sa paluparan.
(Photo Courtesy: Asenso Pagadian)


Facebook Comments