Roxas City, Capiz- Maswerte nga nasalbar ang 127 ka pasahero sang sakayan pandagat nga M/B Aqua Master nga naaberya sa kalalawran nga sakop sang Isla sang Olotayan kahapon nga adlaw.
Ginpahayag ni PCG-Roxas Commander Edison Diaz, “steering casualty” ukon pagkasamad sang timon sang amo nga sakayan pandagat ang rason sang pagka-aberya sini kabangdanan nga ginpakamaayo na lamang sang boat captain nga patyon ang makina sang sakayan pandagat.
Ini naman ang rason nga gilayon sila nagpadala sang dako nga tugboat nga amo ang nagguyod sa nasambitan nga sakayan pandagat.
Nahibaluan nga halin sa Culasi Port ang amo nga sakayan kag padulong sa Calumpang, Balud, Masbate sang nagasuprer sang “trouble”.
Facebook Comments
