Tigbauan, Iloilo – Arestado ang mag-utod nga lalaki, lunsay mga laon matapos ginhimuslan ang 13-anyos nga babaye nga ginapahayag may deperensya sa paminsaron sa Tigbauan, Iloilo.
Ginkilala ang mga ini nga sanday Renelio Obal, 60 anyos kag Antonio Obal, 56 anyos kag kasilingan sang biktima.
Suno kay Senior Inspector Hermogenes Eulatic , hepe sang Tigbauan Municipal Police Station, natingala ang iloy sang biktima nga may 2 ka 20 pesos nga gina-uyatan si alyas Neneng kag sang iya gin-usisa ang anak kon sa diin ini naghalin, nanugid si Neneng nga ginhatag ini sang mga suspek matapos siya ginhimuslan.
Sa bulig sang mga barangay officials, nadakpan ang mga suspek kag nakahunong na sa Tigbauan Municipal Police Station.
Sa karon, ginahulat na lang ang resulta sang medical examination sang biktima.
(photo from web)
