TACLOBAN CITY – Natusok ha gate han eskwelahan an usa nga 13 anyos nga lalaki ha Brgy. San Antonio, Tunga, Leyte kasangkulop, August 13.
Ha imbistigasyon han Tunga PNP, nagmumulay an biktima nga bata kaupod an iya mga kasangkayan ha sakob han Tunga Central School pero waray klase an mao nga eskwelahan tungod nga fiesta han ira barangay.
Sumaka an bata ha harigi han gate pero han tilukso na hiya, didto hiya nahulog ha fences han gate ngan natusok an iya braso.
Nagburublig an rescue team han Tunga, Leyte. Dayon nga nadara an biktima ha hospital ha Tacloban City para matambal.
Facebook Comments
