TACLOBAN CITY – Naigo hin kidlat an 13 anyos nga lalaki samtang nag-aayos han ira mga ginpananom ha luyo han ira eskwelahan ha Bato, Leyte kakulop han kulop.
Basi ha report han Police Regional Office 8, ginkilala an biktima nga hi Richard Nabor, usa nga grade 7 student han Bato School Of Fisheries.
Nadalagan pa ha Leyte Baptist Hospital an biktima pero gindeklara ini nga dead on arrival.
Sumala han Principal han mao nga eskwelahan, ala 1 han kulop nahinabo an insidente.
An nasunog nga patay nga lawas han biktima in gindara na ha ira panimalay ha Brgy. Tabunok, Bato, Leyte.
Sumala han Bato PNP, naeksperyensyahan han ira bungto han thunderstorms hadto nga adlaw.
Facebook Comments
