Patay na sang masapwan kahapon ang 13 anyos nga special child matapos malumos kag gin-anud sang tubig sa sapa sa banwa sang Sara, Iloilo.
Ginkilala ang biktima nga si Federico Arnaiz sang Barangay Ferrariz, Sara.
Suno kay Police Sr. Inspector Gilbert Baldevarona nga sang nagligad pa nga adlaw nadula ang bata kon sa diin nagreport sa police station ang ginikanan sini.
Ginapatihan nga naghampang sa sapa ang biktima kag posible nga nalumos kag gin-anud sang tubig kon sa diin nasapwan ang bangkay sini sa Sitio Pangpang, Barangay Zerrudo, Sara, Iloilo.
Nahibaluan nga mabaskog ang ulan sa banwa sang Sara sang nakaligad nga adlaw kabangdanan nagdalum ang tubig sa sapa nga amo ang gintunaan sang pagkalumos sang biktima.
