Guipos, Zamboanga del Sur – Gikatakda nga i-presentar sa media sa kampo 53rd Infantry Battalion ang 13 ka kanhi rebeldeng sakop New People’s Army ( NPA) nga mibalik sa sabakan sa kagamhanan.
Kini ang gikomperma ni Lt. Col. Marlowe Patria ang Commander Sa 53 IB dihang eksklusibo nga nahinabi sa RMN DXPR Pagadian, sigon sa opisyal mitahan ang maong mga rebelde tungod kay dismayado sila sa saad sa nag-recruit kanila aron makigbatok sa gobyerno.
Gipasigarbo usab ni Patria nga sa kapin 50 ka NPA surrenderees ilang giproseso ang hinabang pinansyal gikan sa kagamhanang nasyonal ilabina ang Enhancement CLIP Program.
Gidugang pa niya sa maong gidaghanaon tulo sa mga kanhing rebelde nahimo nang sundalo, ang uban nagsilbi isip cafgu ug ang pipila nakadawat na og tabang pinansyal nga tag-65 mil ka pesos.
Mapasalamaton usab si Patria sa Kapisanan ng mga Brokaster sa Pilipinas (KBP) ug sa DXPR nga nakatabang og dako aron mapa-abot ug mapabati sa mga rebelde ang maayong programa sa gobyerno alang sa motahan kanila.
