Roxas City, Capiz – Ginkumpirmar sang pamunoan sang City Health Office(CHO) ang pagkarekober na sang 13 tanan ka mga indibidwal nga taga- Roxas City sa COVID-19 infection. May kaangut sini, lubos ang pagpasalamat ni City Health Officer Dra. Lorie Cahilog nga hilway na sa corona virus disease ang nasambitan nga mga pasyente nga una nga ginpang-isolate sa Hortus Botanicus sa Barangay Milibili, Roxas City. Iya nga ginpahayag nga lunsay sa mga ini ang nagsuprer sang mild symptoms samtang ang iban naman ang mga aympthomatic cases. Ang nasambitan nga mga persona ang nakapauli na sa tagsa nila ka mga panimalay.
Samtang, ginpahayag dugang ni Dra Lorie Cahilog nga antes tugotan ang mga ini nga magpauli, ginapaintindi gid anay sa ila nga sundon sa gihapon ang nagakaigo nga mga health protocols bangud indi malayo nga sila ang posible takdan sang virus.
Photo: Engr. Julius Abela, DPWH
