Sangko sa langit ang gipaabot nga pasalamat sa onse ka pamilyang biktima sa sunog sa purok 4 sitio bagong kaplag barangay ubaldo laya dihang midawat kini sila ug hinabang gikan sa rmn dxic iligan.
Gibutyag nila nga daku na kaayo ug tabang ang gitunol nga hinabang ning atung sibyaan sa ilang hinay-hinay nga pagbangon tungod pipila gayud kanila tapot lawas nga mibiya sa ilang panimalay samtang gikaon sa kalayo.
Gani, mismong si ubaldo laya barangay kapitan enosensio saylon mipasalamat usab ug daku sa inisyatiba ning atung sibyaan tungod sumala niya saksi gayud siya sa matag karon ug unya nga tabang nga ipaabot sa dxic.
Sama nalang matud pa niadtung nasunog usab ang pipila ka purok sa iyang barangay niadtung bulan sa mayo kun asa nahatagan usab kini ug tabang sa rmn dxic iligan.
Sa pikas bahin padayon nga nanawagan ug tabang si saylon ilabi na sa mga underwear ug personal hygiene kit sa mga biktima sa sunog.
