CAUAYAN CITY – KINASUHAN NG NATIONAL BUREAU OF INVESTIGATION BAYOMBONG DISTRICT OFFICE (NBI BAYDO) ANG 13 PULIS MULA SA CAGAYAN VALLEY DAHIL SA DALAWANG MAGKAHIWALAY NA INSIDENTE.
PITONG PULIS MULA SA NAGTIPUNAN, QUIRINO, KABILANG ANG ISANG POLICE MAJOR, ANG SINAMPAHAN NG KASO KAUGNAY SA PAGKAMATAY NI JIM WHITE NOONG MAYO 28, 2025, MATAPOS UMANONG MANLABAN HABANG SINISILBIHAN NG WARRANT OF ARREST.
AYON SA NBI, LUMABAS SA AUTOPSY NA ANG LAHAT NG TAMA NG BALA AY NASA LIKOD NG BIKTIMA, NA NAGPAPAHIWATIG NG POSIBLENG FOUL PLAY, BUKOD PA SA KAWALAN NG BODY CAMERA NA ALINSUNOD SA PATAKARAN NG KORTE SUPREMA.
SAMANTALA, KINASUHAN ANG ANIM NA DATING PULIS MULA SA PROVINCIAL INTELLIGENCE UNIT NG NUEVA VIZCAYA MATAPOS MAPAWALANG-SALA SI FREDDIE MALLARI SA KASONG ILLEGAL POSSESSION OF FIREARM. KALAUNAN, INAKUSAHAN ANG MGA ITO NG PLANTING OF EVIDENCE.
NAKUNAN UMANO NI MALLARI NG VIDEO ANG LUGAR BAGO ANG OPERASYON, KUNG SAAN WALANG NAKITANG BARIL, TALIWAS SA ULAT NG MGA PULIS.
IGINIIT NG NBI NA BAGAMA’T MASAKIT MAGSAMPA NG KASO LABAN SA KAPWA TAGAPAGPATUPAD NG BATAS, TUNGKULIN NILANG IPATUPAD ANG BATAS NANG WALANG KINIKILINGAN.
