Roxas City, Capiz – Liwat nga nahatagan sang kahigayunan ang 133 ka mga Locally Stranded Individuals sa Metro Manila nga makapauli sa Probinsya sang Capiz kahapon nga adlaw paagi sa special flight.
Nangin matalunsay ang pag-abot sang amu nga mga locally stranded individuals halin sa Metro Manila sakay sa SPECIAL FLIGHT sang Cebu Pacific Air nga naghugpa alas 4:29 kahapon sang hapon Agosto 20, 2020.
Ini ang natigayon paagi sa pagpatikasog sang pamunoan ni Capiz Governor Esteban Evan Contreras kag provincial government sang Capiz.
Samtang safe man nga nakatulak pabalik sa Manila ang 125 man ka mga LSIs alas 5:19 kahapon sang hapon.
Nagpasalig man ang Gobernador nga wala dapat sang ikakulba bangud ang kada LSI nga magapauli ang iga RT-PCR agud masigurado nga hilway sila sa Coronavirus kag maga paidalum sa strict 14-day facility quarantine. Nahibalu-an nga preparado man ang kada departamento nga naga facilitate sa mga LSI kag gina sunod ang proper minimum health standard.
photo(c)- CAAP
