Davao City – Gipailawom sa mandatory ug surprise nga drug test ang 134 ka mga police officers ug operatives sa Tagum City Police Station kagahapon, adlaw’ng Miyerkules, Marso 25, 2026.
Ang maong kalihokan kabahin sa padayong kampanya aron masiguro nga limpyo ug walay bahid sa ilegal nga droga ang hanay sa kapulisan.
Gipangulohan kini ni Police Lieutenant Colonel Frederick E. Deles, Chief of Police sa Tagum, uban sa kooperasyon sa City Anti-Drug Abuse Council (CADAC) ug sa mga personnel gikan sa SOCO Crime Laboratory. Gihimo ang maong lakang subay sa direktiba ni Mayor Rey T. Uy aron mapalambo ang usa ka drug-free workplace sa siyudad.
Sumala sa kapulisan, ang inisyatiba nagtumong sa pagpalig-on sa integridad, disiplina, ug propesyonalismo sa police force, ilabina sa padayong pakigbatok sa ilegal nga droga ug mamintinar ang pagsalig ug seguridad sa publiko.
RadyoMaN Kareen Beltran
Facebook Comments
