CAUAYAN CITY – NAARESTO ANG KABUUANG 134 KATAO SA IBA’T-IBANG PANIG NG LAMBAK NG CAGAYAN MATAPOS ANG ISINAGAWANG SIMULTANEOUS ANTI-CRIMINALITY AND LAW ENFORCEMENT OPERATIONS (SACLEO) NG POLICE REGIONAL OFFICE 2 (PRO 2).
SA KAMPANYA KONTRA DROGA, 13.2 GRAMO NG SHABU AT 739.6 GRAMO NG MARIJUANA NA MAY KABUUANG HALAGANG HALOS P180,000 PISO ANG NASAMSAM, AT 16 KATAO ANG NAARESTO. NAHULI RIN ANG 85 WANTED PERSONS, KABILANG ANG 12 MOST WANTED SA REHIYON.
BUKOD DITO, 28 KATAO ANG HINULI DAHIL SA ILEGAL NA SUGAL, APAT SA PAGLABAG SA FORESTRY LAW, AT ANIM SA ILLEGAL POSSESSION OF FIREARMS. NAREKOBER ANG 33 BARIL, KUNG SAAN 4 ANG NAKUMPISKA AT 29 ANG BOLUNTARYONG ISINUKO.
DALAWANG REBELDE AT 11 TAGASUPORTA NG COMMUNIST TERRORIST GROUP ANG BOLUNTARYONG SUMUKO SA GOBYERNO.
AYON KAY PBGEN ANTONIO MARALLAG JR., TAGUMPAY ITO HINDI LAMANG NG PULISYA KUNDI NG BUONG KOMUNIDAD NA KATUWANG SA PAGTATAGUYOD NG KAPAYAPAAN.
