TACLOBAN CITY – Nagdumara hin eleksyon an Liga Ng Mga Barangay kakulop ha US-Aid City Hall, Tacloban City para han posisyon nga Associations of Barangay Council (ABC) President han syudad.
Duha nga barangay kapitan an nag-agaw para hini nga posisyon, hi Eden Chua-Pineda han Brgy. 16 ngan hi Engr. Rodolfo Padillo han Brgy. 109 V&G pero waray umatinder kakulop han eleksyon hi Kap. Padillo.
An ginbutos la gihapon han 136 nga Barangay Kapitan nga nakadto han eleksyon in hi Eden Chua-Pineda.
“I’m very happy with the full support of the Liga Ng Mga Barangay na they would always give me this kind of support because they think always that this is for the advancement of the barangays.”
“It aton plano, igpapadayon naton an mga plans and programs like medical and mortuary aid and we always support our City Mayor also an iya plano ngan mga programa.” – ABC President Pineda
Ha 136 nga barangay kapitan, waray nira botosi Hi Kap. Padillo.
Naluklok gihapon kumo Liga Officials hira barangay 48-A Magallanes Barangay Captain Irvin Tanala (Vice-President), Elmer Lee ( Auditor) and for the Board Of Directors: Barangay Captains Chona Amaba, Alexander Bentulan, Erwin Bidua, Silvestre Comendador, Jose Duenas, Arlene Hidalgo, Rustico Medina, Letecia Olino, Noel Tupaz, ngan Benedicto Yerro.
Para malikayan an biases han eleksyon, ginpangunahan han Ormoc City Department Of Interior And Local Government (DILG) Director Jesus Jeremy Bagares.
Hi Tacloban City DILG Director Atty. Darwin Bibar in temporaryo nga gindeploy ha Ormoc City para liwat han pareho nga eleksyon ngadto.
Waray naman umatender han eleksyon hi Brgy. 109 V&G Kapitan Padillo ngan hi Brgy. 3 Nula-Tula Kapitan Salvador Altares.
