Davao City – Kinahanglang matunol sa mga employers ang 13th month pay sa ilahang mga trabahante.
Bisan pa man og nag-deadline na niadtong Disyembre 24, adlawng Biyernes pwedi nilang ihatag ang maong benepisyo karong bulana o sa bulan sa Enero 2021.
Sa interbyu sa RMN Davao kang DOLE XI Regional Director Ofelia Domingo, walay exempted nga mga kumpanya bisan pa man makonsidera kining distressed tungod sa nasinatiang COVID-19 pandemic subay sa Presidential Decree 851.
Matud ni Domingo kung bug-at sa usa ka employer, pwedi niyang iagi sa kasulatan ang ilahang nahimong diyalogo sa iyahang empleyado sa pamaagi aron mahatag gihapon ang 13th month pay kanila.
Segun ni Domingo sunod tuig mulusad sila’g inspeksyon sa mga establisyemento ug susihon nila kung tama ang pasweldo ug pagahatag og benepisyo sa mga empleyado.
Kung adunay reklamo posibleng manubag ug makasuhan ang mga employers ilabina kung mapamatud-an kini sa iyahang mga violations.
RadyoMaN Aimee Guinita
