Davao City – Anaa sa kongeso ang mandato kon idilatar ba o dili ang 13th month pay sa mga trabahante karong tuiga pinaagi sa pagpasar og balaud sa pamuo kon labor law sa nasud.
Gibutyag ni Labor Lawyer Atty. Deo Contreras nga kongreso lang ang dunay mandato ug dili ang Departamento sa pamuo ang makahimo sa pagpadelatar sa 13 th month pay sa mga trabahante karong tuiga.
Apan hadlok kini kon ilang himoon ang paglangay sa 13th month pay kay ang ordinaryong mga trabahante ang maapektohan ug makaluluoy gawas kon tagi-tagihon ang paghatag niini, segun ni Contreras.
Suma ni Contreras nga dili puwede magbuot-buot ang ahensiya sa pamuo sa pagpadelatar sa 13th month pay kay anaa kini sa balaud ug bugtong ang kongreso lang ang dunay kagahom sa paghimo niini.
Giingon sa Abogado, sukad sa panahon ni Pangulong Ferdinand Marcos ang 13th month pay kabahin na nga benepisyo sa mga trabahante ug kongreso lang ang puwede maka-usab pinaagi sa bag-ong balaud.
Alang sa Labor Lawyer nga walay rason ang DOLE aron tuyoan paglangan ang paghatag sa 13th Month pay ug kon dili kaya sa mga kumpanya puwede rang anam-anamon hangtud makumpleto.
Nasuta nga gitingoha ni DOLE Secretary Bebot Bello sa pagdelatar sa paghatag sa 13th month pay aron dili mabug-atan ang mga kumpanya nga nalugi karon gumikan sa epekto sa COVID-19 sa ilang mga negosyo.
RadyoMaN Joel Viray
