13th month pension, mahimo na mabaton sang mga SSS pensioner sugod subong nga adlaw

Mahimo na mabaton sang mga SSS pensioner ang ila bonus sugod subong nga adlaw, Nobymebre 29 tubtob Disyembre 7.

Ini matapos gin-release na sang Social Security System (SSS) ang ₱22 billion sa ila mga partner bank para sa 13th month pension sang ila mga miyembro .

Suno kay SSS President, Chief Executive Officer Emmanuel Dooc , nadistribute na ang pension fund sa mga disbursing partner-banks sang November 15 agud mahatagan sila sang nagakaigo nga tion agud ipanagtag ang regular monthly pension para sa December 2018 kag ang 13th month pension bonus.


Ginatugyan na sang SSS sa mga bangko kon ila dunganon ang pag-release sang December 2018 pension kag ang 13th month pension.

Nahibaluan nga 2.4 million pensioners ang makabaton sang 13th month kag regular pension.

(photo from web)

Facebook Comments