14 anyos nga dalagita brutal nga ginkastigo sang 4 ka estudyante sa Korea

International – Isa ka grupo nga ginabug-usan sang 4 ka mga estudyante ang brutal nga nagkastigo sa isa ka 14 anyos nga dalagita sa Korea.

Ang insidente nakuhaan pa sang video paagi sa CCTV sa lugar snag insidente.

Sa video, makita nga ginkastigo sang 4 ka mga estudyante nga babaye ang biktima gamit ang pulungku-an, tubo, botelya sang soju kag ginpaso sang sigarilyo.


3 sa mga suspek ang naga-edad sang 14 anyos samtang ang isa naga-edad sang 34 anyos.

Base sa imbestigasyon sang Korean Police, ginkastigo sang mga suspek ang biktima sa sulod sang 1 ka oras kag tunga kag ginpicture-an pa matapos ang insidente.

Matapos ang insidente, isa sa mga suspek ang nagsend pa snag picture sa isa man ka estudyante kag ginpadayaw pa ang ila ginhimo.

Gindala sa ospital ang biktima matapos makita snag isa ka nag-agi sa lugar ang iya sitwasyon.

Santo sa imbestigasyon, ginpahayag sang mga suspek nga wala nila nagustuhan ang batasan sang biktima rason nga nahimo nila ang krimen.

Base sa Facebook post sang iloy sang biktima, indi ini ang una nga pagsakit sa iya bata bangod una diri, ginsakit man ini sang boyfriend sang isa sa mga suspek. Ginbalusan lang ini sang 4 ka mga estudyante nga babaye matapos magreklamo sa una nga insidente.

Ginakwestyon naman karun sang mga Korean ang Busan police kon nga-a madugay ini nga magresponde sa natabo.

Ara na sa custody ang 4 ka mga babaye matapos ang insidente. Protektado sila sang Juvenile Law apang magapangatubang sa gihapon sang panumbungon.



Facebook Comments