14 anyos positibong nalugos sa medico legal findings

Davao City – Nigula sa findings sa Medico Legal nga positibo sa laceration ang 14 anyos nga biktima sa alleged rape incident sa Calinan.

Kini sumala kang Police Major Alberto Abella, Calinan Police Station Commander atol sa interbyu sa RMN Davao.

Segun ni Abella mupailawom sa psychological intervention ang biktima nga posibleng na-trauma sa insidente.

Samtang, nakakustodiya na ang 19 anyos nga suspek nga si Jason Digamon sa Calinan Detention Facility ug kasuhan og rape.

Ubos sa OPLAN KILOS (Kababainhan/Kalalakin-an/Kabatan-onan Igiya Laban sa Pagpanglugos) sa Davao City Police Office (DCPO) nanawagan si Abella sa mga batan-on ug mga ginikanan nga imonitor ang ilahang mga anak ilabina sa mga aktibidad sa social media.

Personal usab nga giistorya ni Abella ang biktima nga dili na dayon og musalig sa bisan kinsang mga estranghero diha sa facebook o mga social media sites.

RadyoMaN Aimee Guinita