Davao City – Kinahanglan gihapong makumpleto ang katorse (14) ka adlaw nga quarantine alang sa mga F1 o first generation contact sa Coronavirus Disease 2019 (COVID-19) patient bisan og wala kini gibating simtomas ug bisan negatibo ang resulta sa RT-PCR (reverse transcription-polymerase chain reaction) test niini.
Matud kang Dr. Michelle Schlosser, Spokesperson sa Davao City COVID-19 Spokesperson (sa interbyu sa city-owned radio), nga awtomatik nga ipailawom sa 14 ka adlaw nga quarantine ang usa ka indibidwal basta kini adunay direktang contact sa nagpositibong indibidwal.
“Kahit pa muingon ka nga wala kay gibati (asymptomatic). Kahit na nag-negative ang imong RT-PCR test, sa ngalan nga F1 ka kinahanglan gyud nato kumpletohon ang atong 14 days quarantine,” sulti ni Schlosser.
Gitataw usab ni Schlosser nga bisan og bakunado na batok COVID-19 ang usa ka tawo, kinahanglan gihapon ang 14 ka adlaw nga isolation diin una nang gibawi sa Inter-Agency Task Force (IATF) ang pagpamubo sa quarantine period sa mga bakunado.
Gidugang sa health official nga wala usab gi-adopt sa Local Government Unit (LGU)-Davao ug sa Davao City COVID-19 Task Force ang maong direktiba diin dili kini ‘applicable’ sa lugar nga wala pa nakakab-ot sa herd immunity sa COVID-19 vaccination.
RadyoMaN Kirby Manzon
