Davao City – Mag atubang og kaso ang katorse (14) ka mga empleyado sa City Government of Davao human kini nasakpan nga nag-party ug nag inom sa Maa Motorpool, ning syudad pasado alas-4 sa hapon kagahapong adlawa (December 22, 2020).
Sa interbyu sa DXDC RMN Davao kang Police Captain Victor Maquindang, Office-In-Charge (OIC) sa Talomo PNP, gibutyag niini nga adunay nag-report kanila nga nag-party sa lugar ang nahisgutan rason nga ilaha kining gi-respondehan.
Matud ni Maquindang nga nakalapas ang nahisgutan sa liquor ban ingon social distancing nga usa sa mga measures nga ginapatuman tungod sa COVID-19 (Coronavirus Disease 2019) pandemic, diin nasayrang personahe ang nahisgutan sa City Engineering’s Office (CEO).
“Liquor ban, naka-violate pud sila sa social distancing ug sa atong Executive Order,” matud ni Maquindang.
Makita sa hulagway nga kuha sa pulis nga nagsul-ob pa ang nahisgutan og ‘Stay Home’ t-shirt nga gi-isyu sa lokal nga panggamhanan.
Pahimangno sa police official nga tumanon ang mga protocols batok COVID-19 diin dili exempted niini bisan ang mga trabahante sa gobyerno.
RadyoMaN Kirby Manzon
