Nakarecord na sang 14 ka insidente sang sunog ang Bureau of Koronadal halin Enero tubtob Marso subong nga tuig sa diin anum dire ang structural, 4 ang grassfire kag ang iban ang nasunog nga poste, dapog kag iban pa.
Suno kay SFO2 Ariel Carmelo sang BFP Koronadal nagalab-ot sa P750k ang natuga nga danyos sang 14 ka insidente sang sunog.
Samtang kadungan sang fire prevention month subong nga Marso iya ginaawhag ang mga pumuluyo nga maghalong agud malikawan ang insidente sang sunog.
Dugang niya man nga nagkalain-lain nga mga aktibidad ang ila ginapatigayon sa subong nga fire prevention month para mapataas ang awareness sang katawhan.
Facebook Comments
