Moabot sa 14 ka mga lungsod sa Central Visayas Region ang gipaubos sa “red category” tungod sa mga insidente nga may kalabutan sa piniliay .
Pito niini ang anaa sa lalawigan sa Negros Oriental , tungod sa presensiya sa New People`s Army ug armadong grupo .
Dinhi sa Sugbu ang lungsod sa Tuburan ug ang San Fernando ang anaa sa red category tungod usab sa sunod sunod nga pagpatay sa mga opisyal sa San Fernado sa niaging mga buwan .
Samtang sa Bohol , adunay lima ka lungsod nga hugot usab nga monitoron sa kapolisan nga naglakip sa Clarin , Inabanga, Danao , Pilar ug Buenavista.
Matud ni Police Regional Office-7, Chief Supt.Debold Sinas , matag karon ug unya
i-assess hinoon sa PNP ang situwasyon sa maong mga lugar ug aduna pay posibilidad nga mausab pa ang kategoriya niini samtang magsingabot ang eleksiyon sa Mayo .
