Muabot sa 22 ka pamilya ang naapektuhan sa sunog samay Purok Coca cola Camague sakop sa Barangay Tubod ning dakbayan sa Iligan kaganinang buntag.
Sumala ni SFO2 Reynaldo Maliao, Fire investigator sa Bureau of Fire Protection, nga nagsugod ang sunog alas 11:57 ang takna sa buntag sa panimalay ni Rohanna Panganting Mama.
Miabot pa sa 3rd alarm ang maong sunog diin 11 ka mgafiretrucks ang mi responde ug mitabang sa pagpakgang sa kalayo.
Daling naugdaw ang gibana-banang 14 ka mga balay gumikan kay hinimo kini sa light materials.
Posibleng faulty electrical wiring ang hinungdan sa maong sunog.
Walay natala nga nasamdan o casualty atol sa maong panghitabo.
Kahinumduman, nga Pebrero 27 karong tuiga, nahitabo usab ang sunog sa susamang dapit.
Na kontrolar ang maong sunog alas 12:19 sa hapon uggideklara kining Fire out alas 12:43 sa hapon.
Padayon ang imbestigasyon sa BFP labot sa maong insidente.
| | Virus-free. www.avast.com |
