14 ka mga drug-cleared barangays sa Davao gipasidunggan sa davao LGU

Davao City- Gideklarang grand winner sa City Social Welfare and Development Office (CSWDO ang Barangay Balengaeng sa Tugbok District atol search for “Barangay ang Bida, Kontra Ilegal na Droga” subay kini sa 2023 Drug Abuse Prevention and Control Week.

Gidawat ni Barangay Captain Daniel Orong Sr. ang maong kadaugan.

Gisaysay sa Kapitan nga wala gayud nila gipasagdan ang mga drug reformists sa ilahang lugar ug giprayoridad kini sa barangay sa mga proyekto ug mga benepisyo lakip na ang drug tests.

Gibutyag ni Vice Mayor J. Melchor Quitain, Jr., dako ang katungdanan sa barangay silbing frontliners sa pagatubang sa mga hagit sa programa kontra droga sa ilahang tagsa-tagsa ka mga komunidad.

Gipasidunggan usab Barangay Sirib, Barangay Biao Joaquin, Barangay 14-B, Barangay 28-B, Barangay Catigan, Barangay Malabog, Barangay Talomo River, Barangay 10-A, Barangay 18-B, Barangay Inayangan, Barangay Langub, Barangay 11-B ug Barangay 36-B.

Sa tuig 2023, 102 na ang gikatahong drug cleared barangays sa syudad.

RadyoMaN Aimee Guinita