Davao City – 14 ka mga pamilya ang naapektohan atol sa nahitabong sunog sa may dalang Acacia niadtong adlawng Sabado alas-11:23 sa kagabhion.
Matod pa nagsumikad ang sunog gikan sa balay ni Monalisa Garmite ug sumala pa ni alyas Ren-Ren adunay panag lalis nga nahitabo tali sa iyang mama nga si Monalisa ug sa iyang ama-ama nga si Julius Abrigana.
Human sa panag lalis gisugo ni Abrigana si Ren-Ren ug sa paghibalik niini naninggit na ang iyang mga silingan ug nangayo og pakitabang gumikan nasunog na ang ilang panimalay.
Niabot sa second alarm ang sunog ug mukabat sa P300,000 pesos ang damyos.
Ginasuta pa sa Bureau of Fire Protection kung adunay nahitabong arson subay sa gipagula nga mga pamahayag sa mga testigo.
RadyoMaN Paul Canono
Facebook Comments
