14 ka minors giturn-over sa DSWD XI

45

Davao City – Temporaryong gipapuyo sa shelter sa Department of Social Welfare and Development o DSWD XI sa Davao ug sa Tagum City ang 14 ka mga estudyante sa Salugpungan Community Learning Center.

Ang maong mgaa bata na-rescue gikan sa grupo nila kanhi Bayan Muna representative Satur Ocampo ug ACT Teachers Representative France Castro kinsa giingong iligal nga gibyahe ug walay pagtugot sa mga ginikanan.

Sa interbyu sa RMN Davao kang DSWD XI Regional Director Mercidita Jabagat ilang giatiman ang mga minors ug gi-provide kanila ang pagkaon ug tanan nilang mga panginahanglanon samtang wala pa sila gikuha sa ilang mga ginikanan.

Sumala ni Jabagat ilang ipailawom og counselling ang mga estudyante.

Nakigkoordinar ang DSWD sa Talaingod Social Welfare and Development Office aron mapahibalo ang mga tagtungod.

Gisulti ni Jabagat aron mauli sa mga ginikanan ang ilang mga anak angay usab silang magpakita og mga papeles ug magpaila nga sila ang mga ginikanan o guardian sa mga bata nga anaa karon gi-safe keep sa DSWD shelters.

Samtang, gisulti ni Davao del Norte Provincial Police Office Women and Children’s Protection Desk chief PSI Alarene Fulache nga nagpabilin pa gihapon sa Talaingod Municipal Station si Ocampo.

Matud ni Fulache wala pa kapiyansa ang grupo nila Ocampo para sa kasong RA 7610 aron sa ilang temporaryong kagawasan.

Kahinumduman giduso sa PNP atok kang Ocampo ug sa laing 17 pa ka mga personalidad ang mga kasong RA 10364 o Expanded Anti-Trafficking in Persons Act in relation to RA 7610 o child abuse, Kidnapping ug Failure to Return a minor.

RadyoMaN Aimee Guinita

Facebook Comments