Mukabat sa 14 ka pamilya ang gi-rescure sa City Disaster Risk Reduction and
Management Council kon CDRRMC sa P3, Barangay 9 ning siyudad sa Malaybalay kagahapong adlawa.
Sa interview sa RMN Malaybalay ngadto kang John Paul Legaspi, ang operations and warning officer ug spokesperson sa CDRRMC gibutyag niini ang nagtoo sila nga anaa lang sa 10 apan mukabat 14 ka pamilya ang ilang narespondihan.
Naglangkob kini sa 55 ka indibdiwal, 25 ka edaran, 15 ka mga bata, 14 ka teenager ug usa ka infant.
Gidala matud pa nila kini sa evacuation center sa Barangay 9, ning siyudad tungod sa baha sa mao nga dapit.
Matud ni Legaspi nga muabot sa usa ka oras ug tunga ang ilang gihimong pag rescue sa mao nga pamilya nga gisugdan sa alas 2 sa hapon.
Nasayran nga tungod sa kakusog sa ulan sa Malaybalay kagahapon, wala na gikaya sa drainage paingon sa merkado. Tungod matud pa sa pagkabara sa creek, hinungdan nga nag overflow ang tubig.
Sa karon, girekomenda na sa CDRRMC ngadto sa City Government of Malaybalay nga ma apil ang maong mga pamilya sa relocation site dinhi sa Barangay San Jose ning dakabayan.
Nasayran nga anaa sa risgo ang kahimtang sa maong mga pamilya sa mao nga dapit tungod kay wala kini exit.
