Davao City – Kalaboso ang 14 ka mga drug personalities ang nasikop sa nagkadaiyang buy-bust operations sa Tugbok PNP, Bunawan PNP ug Davao del Norte Police Provincial Office (DNPPO) kauban ang pwersa sa Philippine Drug Enforcement Agency (PDEA-XI).
Sa gihimong operasyon sa Bunawan PNP, giila ang mga dinakpan nga mao sila si Celesnil Baraba, 22 anyos nga taga-Tagum City, Ian Kris Pabilona, 31 anyos, residente sa Asuncion, Rey Ventura, 41 anyos, empleyado sa gobyerno ug nagpuyo sa Tagum, ug laing usa ka Redentor Tito Robles nga taga Panabo City.
Samtang nasikop usab sa Tugbok PNP ang usa ka estudyante nga si Neil Jhon Sarmiento Lagdameo, 19 anyos, nagpuyo sa Deca Homes Barangay Tacunan alas 4:10 kagahapon.
Sa pikas bahin, base sa datos sa Bunawan PNP, siyam na drug personalities ang nasikop sa gihimong Task Force Checkpoint ug buy-bust operations.
Nakuha gikan sa mga suspetsado ang nagkadaiyang drug paraphernalia ug buy-bust money.
Tingkagol na karon sa nagkada-iya nga mga Police Stations ang mga dinakpan ug gikatakdang pasakaan og kaso subay sa kalapasan sa Section 5 ug 11 sa Republic Act 9165 kun Comprehensive Dangerous Drugs Act of 2002.
RadyoMaN Joel Viray / RadyoMaN Erin Lumosbog / RadyoMaN Don Pulayao
