Katorse(14) kabuok na mga tinun an(Grade8) sa Bunyasan National High School an gikumpirmar na dungan nawad-an sa ila mga panimuot sanan tagtuhuan na nasudlan sa dautang espirito alas 7:30 sa buntag kagahapon Hunyo27,2019.Ini amoy eksklusibo na tagbutyag sa RMN Surigao sa Sch. Principal na si Ms. Charlita Nicolas. Sumaya pa na kalit nangatumba an mga bata kagahapon og nagsinggit singit sanan nanga-utro an boses iban sa pagyawyaw na di isab kasabtan. Gitabang sa pagpahilom an mga kabataan na nakuyapan tapos gipaampoan sa mga magtutudlo.Gisuspende isab kadali sa Principal an klase sanan gipapauli an iban na tinun an sa kahadlok na moarang pa an makuyapan.Tagreport nan Principal an amu na panhitabo sa kadagkoan isab sa Dep Ed sa provincia sanan tagrekomendar an utro na pagpamisa sanan pag blessing sa palibot nan amo na tunghaan.(RadyoMaN Jerson Fuentes)
