142 ka pasahero narescue matapos nagka-engine trouble ang ginasakyan nga passenger-cargo vessel sa Aklan

Naglab-ot sa 142 ka mga pasahero ang narescue sang Philippine Coast Guard (PCG) matapos magka-engine trouble ang passenger-cargo vessel esa baybayon sang Caticlan sa Malay, Aklan kahapon, Oktubre 22.

Base sa imbestigasyon, halin sa Roxas, Mindoro ang MV Super Suttle alas 3 sang kaagahon sa pareho nga adlaw sakay ang mga pasahero kag 7 ka rolling cargo.

Padulong na sa Caticlan Jetty Port ang barko sang naka-engine trouble.


Gilayon naman nga nagresponde ang mga rescue team kag personnel sang Coast Guard Station (CGS) Aklan, Coast Guard Sub-Station Boracay kag Special Operations Force.

Nag-augment man ang PCG’s multi-role response vessel, BRP Cape Engaño (MRRV 4411) kag ang fast patrol boat gikan sa France lakip na ang BRP Boracay (FPB 2401).

Ang 142 ka mga pasahero ginabug-usan sang 135 ka adults, 4 ka mga kabataan, kag 3 ka infants sa diin lunsay na safe kag ara sa maayo nga kahimtangan.

Ginpanugyanan naman sang coastguard ang kapitan sang barko nga magfile sang Marine protest kag magsecure sang Certificate of Seaworthiness gikan sa Maritime Industry Authority (MARINA) antes liwat nga magbiyahe.

via PhilippineCoastGuard ‏

Facebook Comments