15 anyos nga babaye malampusong narescue human mikatkat sa water tank

11

General Santos City–Subling nabulabog ang mga katawhan nga anaa sa gawas og sulod sa oval plaza General Santos kagabie pasado alas 7:00 sa dihang usa ka 15 anyos nga babaye nga itago lang sa pangalang alyas nora, grade 9 student, nga nagpauyo sa brgy. Apopong ang wala mabantayi sa mga myembro sa civil security unit kon CSU nga nagbantay sa CSWDO og CITY ASSESORS OFFICE ang nakasulod og mikatkat sa 100 feet nga concrete water reservoir sa Gensan aron unta magpakamatay, tungod matud pa sa problema sa pamilya.

Maayo nalang nga nabantayan sa pipila ka mga nanuroy sa oval plaza ang babaye nga mikatkat sa water tank og didto nakatawag og rescue team ang CSU nga anaa sa haduol sa lugar og abtik nga miresponde ang mga tropa sa bureau of fire Protection Gensan og pipila ka minuto malampusong na rescue ang babaye og daling gidala ngadto sa Dr Jorge Royeca Hospital aron kini ipasuta.


Samtang miaksiyon usab og kabalaka si Dr Bong Dacera labaw sa City Disaster Risk Reduction Management Office sa maong panghitabo tungod kini na ang ikaduhang insidente nga adunay mikatkat sa giabandonang water tanker sa Gensan.

Sa karon plano na sa lokal nga panggamhanan sa siyudad nga ipademolish na lamang ang maong water tank tungod gawas sa piligroso kini sa mga gambalay nga haduol sa tanke sa tubig og kanunay kining ginakatkatan sa mga tawong gustong magpakamatay.(Reynald Timario)

Facebook Comments