Usa ka 15 anyos nga dalagita ang giingong gilugos sa suspetsadong usa ka menor de edad nga iya lang nakaila pinaagi sa Facebook.
Sumala sa biktima , nga nahitabo ang maong insidente niadtong Pebrero 29 sa may Barangay Abuno ning syudad.
Gi asoy sa biktima, nga giimbitahan siya sa maong suspek nga itago sa ngalang alyas Titing nga mag inom sa usa ka payag sa nasangpit nga dapit.
Pag abot sa maong payag, aduna matud pay laing upat ka mga lalaki nga nag inom sa nasangpit nga lugar.
Dugang pa sa biktima, nga ala una sa kadlawon samtang hubog na sila, gi lugos matud pa siya sa maong menor de edad.
Human sa panghitabo, nangayo siya ug tabang sa mga sakop sa BPAT ug gidala sa women’s desk sa presento 4
Daling gilusad ang usa ka pursuit operation sa nasangpit nga lugar ug nasikop ang suspek nga positibong giila sa menor de edad nga dalaga.
Samtang, gisikop usab ang laing upat ka nga suspetsado nga nalambigit sa maong insidente.
Ang nasangpit nga mga mga suspect gitakdang pasakaan ug kaso karong adlawa.
