15 anyos nga helper sa Dumangas, patay matapos ginapatihan naghikog

Dumangas, Iloilo- Patay na sang masapwan ang 15 anyos nga helper sang ice block dealer sa Brgy. PD Monfort North, Dumangas alas 4:35 kaina sang kaagahon .

Suno kay PO2 Josebel Doromal, imbestigador sang Dumangas Municipal Police Station, naglisensya pa si alyas Mark nga mapauli sa Janiuay kag ginpasugtan man sang iya amo apang nasapwan na lamang ini nga may higot sa liog kag nagaluhod sa center table sa kusina sang iya amo.

Ginpahayag ni Doromal nga posible nalalas ang lubid sa kisame bangud man sang kabug-aton sang biktima .


Gindala pa sa hospital si Mark apang wala na matabangan kag gindeklarar nga napatay.

Santo sa insiyal nga imbestigasyon sang Dumangas PNP, posible depression ang rason sang paghikog sang biktima .

Nagapadayon ang imbestigasyon sang Dumangas PNP agud masiguro nga wala sang foul play sa iya kamatayon.

Nahibaluan nga tuman ka hipuson kag wala man nagapanugid sang iya problema si alyas Mark.

(photo from web)

Facebook Comments