Tapaz, Capiz – Pilason ang 15- anyos nga solterito matapos nga ini ang nasalabat sa lukpanay sa tunga sang 12th Infantry Batallion kag ginapahayag katapos sang rebelde nga New Peoples Army(NPA) sa Barangay Tacayan bawa sang Tapaz, pasado alas sais sang aga.
Sa interview sang dyVR RMN Roxas sa Civil Military Operation Officer sang 12 IB nga si 1st Lt Michael Imperial, ginsiling sini nga indi magnubo sa lima ka minutos ang lukpanay kun sa diin isa sa nasalabat sang bala ang 15-anyos nga lalaki nga menor-de-edad nga nagasag-ob gid lamang.
Nahibaluan nga yara sa lugar ang tropa sang militar bangud nagapatigayon sang Community Support Program to End Local Communist and Conflict(ELCAC).
Gindala na sa ospital sa Calinog District Hospital ang nasambitan nga biktima agud nga madapatan sang nagakaigo nga pagbulong.
Samtang ginatumod pa kun iya sang anu nga grupo ang naka-engkwentro sang militar.
