Niabot sa 18 ka mga tawo ang nasikop sa kapulisan sa Misamis Oriental atol sa gihimong One Time Big Time Operation sa managlahing lugar niadtong Sabado.
Usa niini ang nalambigit sa pagpataya sa illegal swertres sa Manticao, Misamis Oriental.
Suspek mao ang 55 anyos nga si Pacifico Pasco Jr. minyo ug taga Purok 3-B, Punta Silum, Manticao, Misamis Oriental.
Walo ka mga suspek ang nasikop sa Tagoloan Municipal Police Station nga nagdula sa bingo sa Zone 6, Sihayon, Sta. Cruz, Tagoloan, Misamis Oriental.
Lakip sa nasikop silang:
- Genisa Tacataca Manugod, 24 anyos
- Saminojen Tacataca Manugod, 18 anyos
- Rosel Nove Anino Manaiz, 21 anyos
- Ketchie Manuel Nemonata, 38 anyos, minyo
- Ranario Medeloso Condrado, 57 anyos, minyo
- Lolita Francisco Tabaque, 41 anyos, minyo
- Amalia Pagapulaan Bel-ida, 49 anyos, minyo
- Usa ka menor de edad
Laing unom ka suspek ang nasikop sa kapulisan sa Initao Municipal Police Station human nasapong nagdula og braha sa Purok 1A, Barangay Jampason, Initao, Misamis Oriental.
Lakip sa nasikop silang
- Josie Cabillan, 68 anyos, balo
- Romeo Sandoval, 28 anyos, ulitawo
- Ellen Patlunag, 42 anyos, minyo
- Gelyn Hera, 40 anyos, minyo
- Romel Buhian, 39 anyos, minyo
- Maria Teresa Buhian, 24 anyos, dalaga
Tulo ka suspek ang nasikop sa Gingoog City Police Station human nasapong nadula sa baraha.
Lakip sa nasikop silang
- Charlie Lacaba, 38 anyos, delivery boy,
- Loreto Salise, 49 anyos, driver
- Shiella Alberca, 30 anyos, minyo, puros taga Purok 3, Barangay 19, Gingoog City.
Sa El Salvador City, nakaikyas ang mga suspek sa dihang niabot ang kapulisan sa Zone 2, Barangay Amoros, El Salvador City, Misamis Oriental.
Narecover sa kapulisan sa area ang duha ka sets sa mahjong, 173 pesos ug duha ka dice.
Ang One Time Big Time Operation gihimo sa kapulisan batok illegal gambling activities sa Misamis Oriental.
